ជំងឺស្លេកស្លាំង ជាជំងឺមួយប្រភេទដែលកើតឡើងនៅពេលដែលយើងខ្វះកោសិកាឈាមក្រហម និងមិនអាចស្រូបយកអុកស៊ីសែនគ្រប់គ្រាន់ ដើម្បីបំពេញមុខងារប្រក្រតីនៃរាងកាយ។
តើរោគសញ្ញានៃជំងឺស្លេកស្លាំងមានលក្ខណៈបែបណាខ្លះ?
យើងអាចសង្កេតឃើញសញ្ញាជំងឺស្លេកស្លាំងដូចខាងក្រោម៖
- អស់កម្លាំង
- ខ្សោយ
- វិលមុខ
- ឈឺក្បាល
- សីតុណ្ហភាពរាងកាយទាប
- ស្បែកស្លេកស្លាំង
- ដកដង្ហើមខ្លីៗ ឬឈឺទ្រូង
- ក្រចកផុយស្រួយ
រោគសញ្ញាទាំងអស់នេះអាចឱ្យយើងសន្និដ្ធានបានថាមានជំងឺស្លេកស្លាំង។ ប៉ុន្តែយើងក៏ត្រូវទៅពិគ្រោះជំងឺជាមួយគ្រូពេទ្យជំនាញបន្ថែម ដើម្បីដឹងពីមូលហេតុនៃជំងឺនេះបានកាន់តែច្បាស់លាស់។
តើជំងឺស្លេកស្លាំងបណ្តាលមកពីមូលហេតុអ្វីខ្លះ?
មូលហេតុដែលបណ្ដាលឱ្យមានជំងឺស្លេកស្លាំងមានដូចជា:
- ការហូរឈាម
- ជំងឺបែកគ្រាប់ឈាមក្រហម
- ជំងឺខួរឆ្អឹង (ខ្សោយខួរឆ្អឹង មហារីកខួរឆ្អឹង)
- ខ្វះជាតិដែក និងវីតាមីនB9 ឬB12
- ជំងឺតំណរពូជ
- កត្តាថ្នាំមួយចំនួន
តើធ្វើដូចម្តេចខ្លះដើម្បីបង្ការជំងឺស្លេកស្លាំង?
ដើម្បីបង្ការជំងឺស្លេកស្លាំងអ្នកគួរអនុវត្តតាមវិធីដូចខាងក្រោម៖
១. យកចិត្តទុកដាក់លើរោគសញ្ញា៖ ដើម្បីបង្ការជំងឺស្លេកស្លាំង យើងចាំបាច់ត្រូវយកចិត្តទុកដាក់ចំពោះរោគសញ្ញាមិនប្រក្រតីមួយចំនួន។ ប្រសិនបើយើងសង្កេតឃើញលាមកមានឈាម ឬ មករដូវច្រើនជាងធម្មតា គួរពិគ្រោះយោបល់ជាមួយនឹងគ្រូពេទ្យទើបជាការប្រសើរ។
២. ផ្លាស់ប្ដូររបបអាហារ៖ ដើម្បីបង្ការជំងឺស្លេកស្លាំងដោយសារកង្វះជាតិដែក យើងចាំបាច់ត្រូវបញ្ចូលអាហារដែលសម្បូរជាតិដែក ដែលរួមមានបន្លែស្លឹកបៃតង សាច់គ្មានខ្លាញ់ សាច់មាន់ និងត្រី។
៣. ញ៉ាំអាហារបំប៉នជាតិដែក៖ គ្នាយើងមួយចំនួន អាចមានបញ្ហាអាលែកហ្ស៊ីទៅនឹងអាហារ ដែលនាំឱ្យការស្រូបយកជាតិដែកមានកម្រិត។
៤. ជៀសវាងអាហារ និងភេសជ្ជៈមួយចំនួន៖ អាហារខ្លះ អាចប៉ះពាល់ដល់ការស្រូបយកជាតិដែក ហើយអាហារដែលយើងគួរជៀសវាង ឬកាត់បន្ថយ មានដូចជា៖
- អាហារដែលមានជាតិTannin ដូចជាកាហ្វេ តែ
- ស៊ុតផ្នែកស
- ប្រូតេអ៊ីននៅក្នុងសណ្ដែកសៀង
អត្ថបទដោយ៖ KiloHEALTH
